Diario Vasco

Gure bailarako bi herri Hip Hip Urri! -n barne

Kultur arteko IV. eguneko tailerrean.
Kultur arteko IV. eguneko tailerrean. / ORIPAVI

Hip Hip URRI! Donostian sortutako ekimena da, Holandan eta Berlinen egiten den October Children's Month-a oinarri-tzat duena eta DSS2016 ekimenak bultzatu duena. Ekimen hauek ekintza ugari bultzatzen ditu eta gure bailarari dagokionez zazpi izango dira Legazpi eta Ezkio-Itsaso artean egingo direnak.

Hip Hip URRI! familietako kultur aisialdia sustatzeko sortu da. Helburu honekin, urriko asteburuetan Lehen Hezkuntzako haurrentzat doakoak izango diren kultur jardueren eskaintza zabala egiten da.

Aurtengoa Hip-Hip URRI! Gipuzkoako leku desberdinetan egiten den laugarren ekitaldia da eta horri esker, mota eta alor desberdinetako 140 jarduera prestatu dira. Horietatik sei Legazpin garatuko dira hainbat elkarte eta entitateei esker (Oripavi, Lenbur Fundazioa, Udal liburutegia eta udaleko Gazteria eta Hezkuntza zerbitzua), eta zazpigarrena Ezkio-Itsasoko Igartubeitin aurrera eramango da.

Ekintzak

Lehenengo ekintza gaur bertan aurrera eramango da, Legazpin egiten den Kultur Arteko V. egunean barne. 'Sareak zabalduz' lelopean antolatzen du Oripavi elkarteak egun hau eta arratsaldeko 17:00etatik aurrera familientzako jolasak egongo dira.

Bihar berriz, eta urriaren 9an ere, goizeko 10:30ean 'Errotari Egun batez' tailerrean parte hartzeko aukera izango dute haurrek Brinkolako Igaralde baserrian, Lenbur fundazioak antolatuta. Egun berdinetan (bihar eta hurrengo igandean, hilak 9), baina eguerdiko 12:00etan 'Burdintxo' izango da Mirandaolan.

Urriaren 14an arratsaldeko 18:00etan Lur Kortarekin Ipuin Kontaketa izango da Legazpiko liburutegian. Hilaren 16ean berriz, Legazpiko Latxartegi aretoan birziklatutako materialekin musika tresnak sor-tzeko aukera izango dute haurrek, Udaleko Hezkuntza Zerbitzuaren esku. Azkenik, antolatutako ekitaldien artean urriaren 22an, larunbata, arratsaldeko 16:30etik aurrera 'Talo tailerrean' parte hartzeko aukera zabalduko zaie lau urtetik gorakoei Ezkio-Itsasoko Igartubeiti Baserri Museoan.

Recibe nuestras newsletters en tu email

Apúntate