Diario Vasco

Herriko euskara ikastaroetan izena emateko aukera larunbatean amaituko da

Ikastaroa. Euskara ikasteko gonbidapena.
Ikastaroa. Euskara ikasteko gonbidapena. / UDALA

Ezkio-ltsasoko Udalak Uemarekin (Udalerri Euskaldunen Mankomunitatea) elkarlanean 2016/2017 ikasturtean ere euskara ikastaroak herrian bertan eskaintzen ditu eta hauetan izena emateko epea larunbatean amai-tzen da.

Euskara gutxi, ezer ez, erdi maila edo eguneko maila hobetu nahi dutenentzat euskara klase desberdinak antolatu izan dira azken urteotan herrian eta ikasturte honetakoak ere Ezkio-Itsason bertan aurrera eramango dira, esan bezala maila desberdinetakoak, eta herriko Udalak diruz lagunduko dituenak.

Herri euskaldunetan, euskara ezagutzeak duen garrantzia kontuan hartuta, beste urte batez ere ahalegin berezia egin nahi izan dute Uemak eta Udalak elkarlanean eta euskara ikasteko edo hobetzeko pausoa ematera gonbidatzen dituzte herritarrak.

Eskaintza

Bi eskaintza nagusi luzatzen dituzte aurtengo ikasturterako: alde batetik, euskalduntzeko behe, erdi eta goi urratsak; eta bestetik, atzerritarrentzako AISA harrera ikastaroa, gure hizkuntzarekin harremana izaten hasteko.

Ikastaro guztiak herrian bertan aurrera eramango dira eta Udalak diruz lagunduak izango dira. Hauetan izena emateko epea zabalik dago dagoeneko eta hilaren 30ra arte egongo da, hau da, larunbata honetan amaituko da. Izena ematen duten guztiekin bilera bat antolatuko da epe hau amaitu eta denbora gutxira, bertan ikastaroen inguruko azalpenak emango direlarik.

Informazio gehiago jaso nahi dutenek edo izena eman nahi dutenek ere herriko udaletxera hurbildu edo bertara deitu dezakete 943 72 13 03 telefono zenbakira. «Ezkio-ltsasoko Udalak euskararen normalizazioan, guztiokin batera, urratsak ematera gonbidatzen zaitu. Animatu eta ikasi euskaraz!», gonbidatzen dituzte herritarrak Udalatik.