Diario Vasco

Ensemble Diatessaronen kontzertua dolarean

Kontzertua. Aurreko urteko Antioko Musikaldia ere Igartubeitin .
Kontzertua. Aurreko urteko Antioko Musikaldia ere Igartubeitin . / IGARTUBEITI
  • Larunbatean izango da, arratsaldeko 18:00etan, Antioko Musikaldiaren egitarauren baitan

Zumarragako Antioko Musikaldiaren baitan antola-tzen diren kontzertuen artean, Igartubeiti izan dugu azken urteotan hauetako baten eszenatoki eta oraingoan ere horrela izango da, larunbata honetan Ensemble Diatessaron taldearen kontzertua bertan izango delarik.

Sagardo ederra egiteko aukera emateaz gain arte munduan murgildu eta eszenatoki bihurtzeko gaitasuna du Igartubeiti Baserriko dolareak, bertan instrumentu eta musika mota desberdinak ezagutzeko aukera izan dugularik.

Juan Vegak, Maite Larburuk, Loreto Aramendik, Rafael Bonavitak, Javier Azanzak eta Elena M. de Murguiak osatzen duten Ensemble Diatessaron taldea izango da Igartubeiti musikaz beteko duena oraingo honetan, kontzertu hau Zumarragako Antioko XXXIII. Musikaldiaren barne kokatzen delarik.

Urriaren 1ean, larunbatean, arratsaldeko 18:00etan hasiko da kontzertua eta Igartubeitira joateko, aurreko urtetan egin den bezala, doako autobus zerbitzua eskainiko da; honen irteera Zumarragako Eliz- kalen izango da 17:30ean eta itzulera kontzertua amaitzean. Gogoratzen da lekua mugatua dela.

Egitaraua

Guztira hamahiru abestiz gozatzeko aukera eskainiko digute Ensemble Diatessaron taldea osatzen duten sei musikariek.

Juan Vegak txirula eta txistuak joko ditu; Maite Larburuk, biolina eta ahotsa; Josean Pascualek, espineta; Rafael Bonavitak, tiorba eta gitarra barrokoa; Agustin Laskurainek, perkusioa; eta azkenik, Elena M. de Murguiak, zango biola.

Musikari hauek guztiek eskainiko dizkiguten abestietako batzuk ondorengoan izango dira: 'Atte ttun ttun', 'Amonatxo', 'Ormatxulo', 'Neskatxen esku dantza', 'Ezkon berriak lotaratzeko soinua', 'Tantiru Maio', 'Erreginetan', 'Haurra eizu lo lo', 'Aldapeko', 'Godalet dantza-Dragonne' edo 'Euskal fandangoa', besteak beste.

Informazio gehiago jasotzeko www.igartubeitibaserria.eus helbidera jo.

Tailerra

Larunbat honetan, arratsaldean ere, Igartubeitik duen hezkuntza proiektuaren baitan, familiei zuendutako tailer didaktiko bat aurrera eramango da museoko interpretazio zentruan.

Oraingoan 5-8 urte bitarteko haurrei zuzenduko zaie 'Soinuak harrapatzen' tailerra. 16:30ean hasi eta bi orduko iraupena izango duelarik. Tailerraren prezioa 3 eurokoa izango da; Familia Txartelarekin deskontuak.