Diario Vasco

Bide publikoen inbentarioa ezagutarazteko bilerak herrian

Bide publikoen inbentarioa egina dago.
Bide publikoen inbentarioa egina dago. / GALILEA
  • Itsasoko banaketa prozesua martxan dagoela kontutan hartu eta bi herriak bereiztuta egin da inbentarioa

Aurreko urtean Ezkio-ltsasoko Udalak bide publikoen inbentario lana egiteko erabakia onartu zuen, lana Gaizka Perosterena arkitektoa eta Estibaliz lgartua aparejadoreari enkargatuz. Dagoeneko lana amaituta dago, eta hemendik aurrera eman beharreko pausuak ere abian.

Jarraian egin beharrekoa espedientea onartzea da eta honetarako honako prozedura hau bete beharko da: Udal Osoko Bilkurak hasierako onarpena eman beharko dio espedienteari. Espedientea jendaurrean jarri beharko da hilabetez erreklamazioak aurkeztu ahal izateko; eta ondoren, Udal Osoko Bilkurak, alegazioak erantzun, eta behin-betiko onarpena emango dio.

Kontutan izanik Itsaso banan-tzeko prozedura martxan dagoela, inbentarioa Ezkio eta ltsaso bereiztuta egin da.

Bilerak

Egon daitezken zalantzak argitzeko, eta egindako lanari buruz ahalik eta informazio gehien emateko, bi bilera antolatu dira herrian, bata Ezkion eta bestea Itsason, bertan teknikoak izango direlarik.

Lehenengoa urriaren 5ean, asteazkena, arratsaldeko 19:00etan aurrera eramango da Itsasoko ostatu gaineko gelan; bigarrena berriz, urriaren 6an, osteguna, arratsaldeko 19:00etan hasiko da udaletxeko ba-tzar aretoan.