Diario Vasco

TaiChi eta zumba ikastaroetan parte hartzeko aukera zabalik

Zumba. Aurreko ikasturteko klase batean.
Zumba. Aurreko ikasturteko klase batean. / GALILEA
  • Izena emateko epea irailaren 25ean, igande honetan, amaitzen da. Honetarako udaletxera deitu beharko da

Udako atsedenaldia amaitu eta berriro ere ikasturtean zehar aurrera eramaten diren ikastaroetan parte hartzeko aukera zabaltzen dute Ezkio-Itsasoko udaletxetik, momentu honetan Tai Chi edo zumba egiteko proposamena luzatuz.

Tai Chiren kasuan urte asko dira disziplina hau aurrera eramaten dela herrian, astean behin elkartzen direlarik parte hartzaileak. Ikasturte honetan ere dinamika berdina jarraituko da, astean behin bilduz eta hilabetean 20 euroko kuota ordaindu beharko delarik. Asteko eguna eta ordutegia behin taldea egiten denean adostuko da. Taldea osatzeko kopuru minimoa zortzikoa da eta izena emateko herriko udaletxera deitu beharko da 943.72.13.03 telefono zenbakira.

Zumbaren kasuan, aurreko ikasturtean jarri zen kirol hau martxan eta gustura aritu ziren parte hartzaileak, honez gero aurten ere eskaintzen delarik. Honen kuota 20 eurokoa izango da hilean klase bat egonez gero baina aurten astean bitan elkartzeko proposamena luzaten da, izena ematerakoan aukeratu beharko delarik. Taldea osa-tzeko zortzi pertsona beharko dira eta honetan izena emateko ere aste honetan zehar udaletxera deitu.