Diario Vasco

Herriko traste zaharren bilketa ostegunean egingo da

Trasteak. Traste zaharrak ostegun gauean.
Trasteak. Traste zaharrak ostegun gauean. / GALILEA

Sasieta Mankomunitateak eskaintzen dituen zerbitzuen artean traste zaharren bilketa dago eta Ezkio-Itsasori dagokionez hilean behin jasotzen dira hauek, zehaztutako egunean bakarrik atera ahal direlak.

Hilebetero egiten da traste zaharren bilketa eta gure herrian hileko laugarren ostegunean gauean izaten da, bihar osteguna, gauean hain zuzen ere.

Trasteak herriko auzoetan zehar kokatuta dauden zabor edukiontzien ondoan utzi beharko dira, edo beira edukiontziaren ondoan; gogoratzen da eskonbroak ateratzea debekatuta dagoela. Hauek jasotzera joan daitezen, Sasietara deitu beharko da aldez aurretik non dauden esanez, 943 16 15 55 telefono zenbakira.

Traste zaharrak, hau da, altzariak, etxetresna elektrikoak... eta bestelakoak arratsaldeko 20:00etatik aurrera atera beharko dira, adierazitako egunean. Gogoratzen da gaur egun, sistema honekin, traste zaharren %60 aprobetxatzea lortzen dela.

Ostegunean gauean norbaitek ezinezkoa badu trasteak ateratzea, Urretxu, Ordizia edo Beasaineko Garbigunera eramateko aukera ere badago. Edozein argitasunerako, Sasietako telefono zenbakira deitu 943 16 15 55.

Zigorra

Herriko Udala eta Sasietatik gogoratzen da debekatuta dagoela hondakinak lurrean uztea; hondakinak sailkatuta dagokion edukiontzian sartu behar dira; eta tamaina handiko trasteak ateratzeko egutegia errespetatzea eskatzen da. Arau-haustea gertatzen bada, zigorra jarriko da.