Diario Vasco

Igandeko I Cavaletti lehiaketan izena emateko epea bihar amaitzen da

Zaldiak. Eskola kirolak igandean hartu zuen martxa.
Zaldiak. Eskola kirolak igandean hartu zuen martxa. / IBUR

Ikasturtea hasi da dagoeneko Itsasoko Ibur Hipika klubean, aurreko igandean Eskola Kirolak martxa hartu zuelarik, eta hilabete honetan aurrera eramango diren ekintzen artean I Cavaletti lehiaketa kokatzen da, honetan parte hartzeko epea bihar amaitzen delarik. Ikasturtea hasi eta indar pixka bat hartzeko asmoarekin, iganderako salto lehiaketa txiki bat antolatu dute, honetan bi froga aurrera eramango direlarik.

Frogak eta sariak

Lehenengo frogarekin hasi baino lehen Bataio Hipikoa aurrera eramango da, 10 zm-ko saltoak eginez, zaldiak eskutik eramanda eta honetan parte hartzen duten guztientzat gominolak egongo dira.

Lehenengo frogan 30 zm-ko saltoak egingo dira: lehenengo sari gisa zaldiarentzat Ibur-eko sudaderoa egongo da; bigarren saria, Ibur-eko poloa izango da; eta hirugarrena, Ibur-eko kamixeta.

Bigarren frogan 50 zm-ko saltoak egingo dira, honetan banatuko diren sariak aurreko proban banatzen diren berdinak izango direlarik.

Esan bezala, proba hauetan parte hartzeko izena emateko azken eguna bihar izango da eta hipikan bertan egin behar da.