Diario Vasco

KZguneko tutoretzak eta ikastaroak berriro ere aukeran

KZgunea. Oporrak amaitu eta irailan berriro martxa.
KZgunea. Oporrak amaitu eta irailan berriro martxa. / GALILEA

Abuztuan zerbitzuak etenaldi bat egin ondoren, irailan ere beriro hartu du martxa Ezkio-Itsasoko KZguneak, astean zehar ordenagailuak erabiltzeko aukera zabaltzeaz gain, hilabete honetan ere dinamizatzailearen bisita jasoko dugularik.

Orain arte hilean behin edo bitan jasotzen genuen tutorearen bisita herrian, asteko egun aukeratua astelehena izaten zelarik, baina oraingoan hilaren 22an, osteguna, etorriko da gurera, arratsaldeko 18:00etatik 20:00etara interneten inguruan egon daitezken zalantzak argituko dituelarik, aldi berean ere, eskaintzen diren ikastaroren bat egiteko aukera herritarrei zabalduz.

Ikastaroaren bat egiteko gogoratzen da aldez aurretik tutorearekin hitz egin beharko dela eta izena eman. Honetarako 943 02 36 45 telefono zenbakira deitu edo tutor.ezkio-itsaso@kzgunea.net helbidera idatzi

Ordutegia

KZguneko gela Anduaga etxeko beheko solairuan kokatuta dago eta honen ordutegia ondorengoa da: astelehenentan, 17:30etik 19:30era; asteazken eta ostiraletan 18:00etatik 20:0etara; eta larunbatetan, 10:00etatik 13:00ak arte.