Diario Vasco

Familien topaketa hilaren bukaeran Igartubeitin

Tailerrak. Familien topaketa da hurrengo erronka.
Tailerrak. Familien topaketa da hurrengo erronka. / GALILEA
  • Hezkuntza proiektuan gurasoen parte hartzearekin batera Artoaren Iraultza tailerra egongo da haurrentzat

Ikasturtean zehar familiei zuzendutako tailer eta ekin-tza eskaintza zabala du Igartubeitik, eta ikasturte honetan ere horrela jarraitzeko intentzioarekin, familiekin topaketa bat egingo dute irailaren bukaeran, hauen gustu eta beharrak ezagutu eta kontutan har-tzeko.

Igartubeiti Familian familien- tzako hezkuntza programaren inguruko topaketa-aurkezpena izango da hilaren 24ean, 16:30etik aurrera, solasaldi-irekia aurrera eraman eta meriendarekin amaituz.

Sormen tailerra

Gurasoek topaketa-aurkezpenean parte hartzen duten bitartean, haurrek Artoaren Iraultza tailerrean parte hartzeko aukera izango dute. Tailerra ere arratsaldeko 16:30ean hasiko da eta bi orduko iraupena izango du. Hau bost urtetik gorako haurrak dituzten familiei zuzenduta egongo da eta 3 euroko prezioa izango du, beti ere Famili Txartelarekin diskontuak egingo direlarik.

«Amerikatik ekarritako artoak erabateko aldaketa eragin zuen baserrietan, eta elikagai gehiago ere ekarri zituzten garai hartan. Ezagutzen al dituzu? Sorkuntza tailer honetan Igartubeitiko baratzeko artoa bildu, aletu eta lehortzen ipiniko dugu. Arto gizonaren abenturak ere ezagutuko ditugu honen bitartez», azaltzen dute Igartubeititik.

Teilerrean aurretik izena ematea komeni da lekua murriztua izaten baita. Honetarako 943 72 29 78 telefono zenbakira deitu edo www.igartubeitibaserria.eus helbidera jo.

Azkenik, gogoratzea ere irailean Igartubeiti Famili Txartela berriro martxan jartzen dela, jarduera eta joku gehiagorekin. Txartela egitearekin batera ongi etorri oparia egongo da.