Trikitilariak, bertsolariak eta jatekoa Zurrategin, Euskara Eguna ospatzeko

Lantegiek euskararekin duten lotura aztertzeko mahaingurua egingo da hilaren 12an, etzi zortzi

JOSEBA LEZETA ANTZUOLA.

Euskararen Egunari lotuta, herriko trikitilari eta bertsolariek ordu batean Zurrategin ospatuko den ekitaldia alaituko dute. Jatekoa ere prestatuko dute parte har-tzen duten guztientzat, ahal den neurrian barruak goxatzeko.

Bertso eskolako ikasleekin batera Jesus Kortaberria 'Kaxeta' ere ari-tzekoa da kantuan, antolatzaileek azaldu digutenez. Soinua hartuta agertuko dira, bestalde, trikitilari eta panderojole gazteak.

Saio berean, hilaren 12an, martitzenean zortzi, egitekoa den 'Zergatik euskaraz... lan munduan' izenburudun mahainguruaren nondik-norakoak azalduko dituzte. Elay, Goizper eta Matz-Erreka lantegietako ordezkariek euren enpresetan dituzten planei buruz hitz egingo dute. Torresoroako areto nagusian izango da arratsaldeko lau eta erdietatik aurrera.

Contenido Patrocinado

Fotos

Vídeos