Ordizia azken sailkatua hartuko du futbol talde nagusiak gaur Eztalan

Futbol talde nagusia hiru puntu garrantzitsuren bila irtengo da gaur zelaira./
Futbol talde nagusia hiru puntu garrantzitsuren bila irtengo da gaur zelaira.

Infantilak goizeko hamaiketan ariko dira eta jubenilek lidertza sendotu nahi dute bihar

JOSEBA LEZETA ANTZUOLA.

Antzuola Kirol Elkarteko hiru futbol taldek jokatuko dute asteburu honetan etxean. Biren txanda, infantilena eta nagusiena hain zuzen, gaur da. Jubenilek bihar dute hitzordua.

Ordizia azken sailkatua dator erregionaleko taldeari aurre egitera. Bederatzi jardunaldi osatu ondoren, jaitsiera lekuetatik ihes egiteko lehian aurkari zuzena da oraingoz. Arratsaldeko lauretan emango dio hasiera partidari epaileak. Irabaziz gero, Ordizia atzean laga eta aurretik dituen zenbait talde harrapatu eta gainditzeko aukera izan dezake. Azken hiru jardunaldietan puntu bakarra atera dute Igor Larreak zuzendutako jokalariek.

Ordu batzu lehenago, goizeko hamaiketan, Antzuola eta Bergarako kadeteak izango dira aurrez aurre futbol zelai gainean. Derbia. Berezia beti.

Biharko utzi dute AKEko arduradunek jubenilen Eibarko Urkiren aurkako norgehiagoka. Etxekoek lidertza indar dezakete hiru punturekin. Erne, halere. Urkik Bergara bigarren sailkatuari irabazi zion aurreko asteburuan.

Lapurreta Okaldi tabernan

Lapurrak Antiguako Okaldi tabernan sartu ziren atzo. Kanpoko atea apurtu eta makina batetik eroan zuten dirua, kalteak eraginez. Tarteka Antzuolara bisita egiten dute lapurrek.

Gaztainerre jana

Urtero bezala, Landatxope elkarteko jubilatuek gaztainerre jana dute gaur 18:00etan Torresoroako euren egoitzan.

Contenido Patrocinado

Fotos

Vídeos