Diario Vasco

Emakumea eta baserria dikotomia aztergai, bihar

Nekazaritza munduan bizi diren herriko emakumeen egoerari buruz berba egiteko saioa egingo dute bihar Bidebarrietako Euskaldun berria gelan, 16:00etan. Ukuiluan, baratzean, sukaldean, haurrak eta baserriko nagusienak zaintzen egiten duten lana ez da askotan baloratzen. Denera iritsi behar izan du baserriko emakumeak. Errealitate hori jasotzen duen Usurbilgo emakumeekin egindako dokumentala botako dute lehendabizi eta Hitzez elkarteko ordezkariekin mahai-ingurua egingo da gero.

2013an, Usurbilgo Udaleko Berdintasun sailetik emakume baserritarraren inguruko ikerkuntza beka argitaratu zuten zeinen helburu nagusia emakume baserritarren inguruko historia jaso, landu eta herritarrei nahiz EHko jendarteari transmititzea zen. Leire Urkidi eta Maitane Arnaiz izan ziren ikerketa bekaren irabazleak eta ikerketa txostena egiteaz gain, 'Lurra, lana, izana: Usurbilgo emakumeen ahotsak' izeneko dokumentala ere egin zuten non ikerketa prozesuan zehar jasotako testigantzak, bizipenak eta errealitateak jasotzen diren.

Recibe nuestras newsletters en tu email

Apúntate