Nagore Galeano pilotaria Bergara Hiriako finalerako sailkatu da

JOSEBA LEZETA ANTZUOLA.

Nagore Galeano pilotari antzuolarrak Bergara Hiria lehiaketako lau finaletako bat, nesken etorkizunekoen mailakoa, jokatuko du hilaren 21ean, astelehena. Egubakoitz arratsaldeko finalerdietan txartela eskuratu zuen Naroa Agirre zestoarrarekin bikotea osatuz. Berdinketa ugariko partidan, 22-19 irabazi zieten Maddi Barrokali eta Maddi Unanueri. Finalean Enara Gaminde eta Ainhoa Romero bizkaitarrak izango dituzte aurkari. Ligaxkan elkarren kontra jokatu zutenean, antzuolarra eta zestoarra 15-14 nagusitu ziren. Lehia estua espero daiteke, beraz.

Aiherra Eguneko bazkaria

San Isidro ospakizunekin batera, Aiherra Eguna ospatuko da datorren zapatuan. Herri bazkarirako txartelak bihar arte daude salgai liburutegian. Menu hau dute: patatak errioxar eran, haragia saltsan, hojaldrea izozkiarekin, kafea zein infusioak eta, edateko, ura ala sagardoa. Umeen txartelak bost euro balio du eta nagusienak, hamabost.

Contenido Patrocinado

Fotos

Vídeos