Futbol taldeari laguntzeko 76 lagun joango dira Azpeitira AKEk jarritako autobusean

Ikasberriren aurka puntu bat behar du promozioa saihestu eta Preferente mailan segitzeko

JOSEBA LEZETA ANTZUOLA.

Antzuola Kirol Elkarteko Preferente mailako futbol taldea ez da bakarrik izango gaur Azpeitian, ligako azken jardunaldian. Klubak autobusa antolatu du zaleak joan daitezen eta bete egin dute, 76 lagunekin. Automobiletan ere badoaz beste batzuk.

Ikasberriri egingo dio kontra arra-tsaldeko bost eta erdietatik aurrera Garmendipeko anexoan. Joan den asteburuan Zumaiakori 3-2 irabazita, jaitsiera zuzena saihestu zuen Antzuolak eta gaur beste puntu bat behar du promozotik ihes egiteko. Aurkari zuzena da Ikasberri. Puntu kopuru bera dute une honetan eta azpeitiarrek ere jokoan dute promozioa.

Bigarren itzuli hobea osatuz, gora egin dute sailkapenean antzuolarrek. Azken sei partidetatik hiru irabazi, bat berdin eta bi galdu dituzte. Hamar puntu horiei esker arriskuko postuak atzean laga dituzte, baina gorakada biribiltzea falta zaie.

'Garbi jokatu' kanpaina

Herriko plazan goizeko hamarretan dute hitzordua 'Garbi jokatu' kanpainaren barruan. Pintzak, eskularruak eta poltsak herritarren esku jarriko ditu Udalak auzoz auzo zikinkeria jaso dezaten. Trasteak, plastikoa, zigarro hondarrak... Joaten direnei txaleko islatzaile eroatea eskatu diete. Ordu eta erdiko lana kalkulatu dute.

Beraz, hamaika eta erdiak inguruan amaitu eta Udalak berak jarritako hamaikatekoa dastatuko dute, auzolanari amaiera aproposa emateko asmoz.

Contenido Patrocinado

Fotos

Vídeos