Eskolako umeen gaurko bertso jaialdia seietan hasiko da

JOSEBA LEZETA ANTZUOLA.

'Gu ere bertsotan' egitasmoaren barruan eskolako bosgarren eta seigarren mailetako neska-mutikoek ikasi dutena erakutsiko dute Torresoroako areto nagusian gaur arratsaldeko seietan hasiko den jaialdian. Ordu erdi aurreratu dute saioa.

Bertsozale elkarteko irakasleek bideratzen duten bertsolaritza lantzeko proiektua da 'Gu ere bertsotan'. Euskal Herri mailan garatu da eta eskolako orduetan ematen da trebakuntza. Umeek zenbaterainoko aurrerapena egin duten ikusi eta entzun ahal izango da gaurko ekitaldian.

Mukuru festa, bihar

Seitan eta Klak!son musika taldeek Mukuru festaren barruan ariko dira gaztetxean bihar arratsaldeko zazpietan eskainiko duten kontzertuan. Hiru eurotan salduko dira sarrerak.

Contenido Patrocinado

Fotos

Vídeos