Emakumeen aldeko elkarretaratzea eguerdian eta manifestazioa iluntzean

JOSEBA LEZETA ANTZUOLA.

Emakumearen Nazioarteko Eguna da gaur eta, greba deialdiaz gain, zenbait ekitaldi antolatu dituzte Antzuolan euren egoera salatu, aldarrikapenak bistaratu eta babesa bilatzeko. Eguerdiko hamabietan elkarretaratzea dute Herriko Plazan. Iluntzeko zortzietan, berriz, bigarren elkarretaratzea eta manifestazioa egingo dituzte. Ondoren luntxean bilduko dira.

Gaurkoek asteburuan jarraipena izango dute. Zapatu eguerdiko hamabietan 'Mesoamericanas en resistencia por una vida digna' hitzaldia antolatu da Olaran etxean. Izen bereko erakusketa zabalduko da eraikin berean zapatuan zein igandean, arratsaldeko seietatik iluntzeko zortzietara. Larunbatean baita, arratsaldeko bost eta erdietan, Olatu morea lasterketa egingo da.

Contenido Patrocinado

Fotos

Vídeos