Diario Vasco

Etorkizuneko Kilometroak irudikatzen

Ordezkariak, asteburuan Bergaran.
Ordezkariak, asteburuan Bergaran.
  • Gipuzkoako 24 ikastoletako ordezkariak Bergarako Aranzadi Ikastolan bildu dira gai honi buruz hitz egiteko

Kilometroak 2016ko Demasa Kultur Hamabostaldiaren testuinguruan, Gipuzkoako 24 ikastoletako ordezkariak Bergarako Aranzadi Ikastolan bildu dira asteburuan.

Topagune honen xedea da Kilometroak jaiak, etorkizunari begira, behar dituen doikuntzak aztertzea. Izan ere, aurten Bergaran ospatuko den Kilometroak jaia 40. edizioa izango da, 1977. urtean Beasainen antolatu zen lehenengo haren berrogeigarrena, hain justu ere.

Gipuzkoako ikastola guztietako ordezkariez gain, Kilometroak jai ezberdinetan koordinatzaile gisa parte hartu duten pertsonak ere izan dira goiz bateko hausnarketa prozesuan. Baita Josu Erguin, Kilometroak jaiaren sortzailea bera ere.

Topagune honetarako, World Kafe metodologia erabili da. Hau da, parte hartzaileak, azpilantaldeetan banaturik, goiz osoa eman dute ideia, iritzi eta proposamenak partekatzen. Hausnarketa saioa, Gipuzkoako Ikastolen Elkarteak abian jarri berri duen Kilometroak bidea prozesuan baitan kokatzen da.

Bergaran egin den saioan, honako galdera eta kezka hauei erantzuten saiatu dira parte hartzaileak: 'Nola, zergatik eta zein helburuarekin uste duzu sortu zela Kilometroak?' «Egin dezagun azterketa konparatiboa: 1977. urtea, Beasain; 2015. urtea, Usurbil. Norberaren informazioa eta ustea jarraituz, atera ditzagun pareko eta ez parekoak diren errealitateak. Guztion artean egin dezagun Kilometroak jaiari buruzko AMIA analisia.»

Saioan ateratako ondoriak datorren egunetan egongo dira irakurgai abian jarriko den Kilometroak-en web orri berrian.

Temas