Diario Vasco

Mendi bizikleta irteera 18an Palmerakuak MBT taldeak antolatuta

Hurrengo domekan, irailaren 18an, mendi bizikleta martxa antolatuko dute, Bergarako Palmerakuak Mbt taldeko kideek. Aurtengoa mota honetako ekintza antolatzen duten laugarren aldia izango da eta aurreko edizioan bezala, oraingoan ere, martxa egitea proposatzen dute.

Ohitura jarraituz, aurtengo ibilbidea gune berri batean finkatuko da. Landarraitz, Asalditxa eta Turkarriko paisaia ederrak zeharkatuko ditu, tramo desberdinak izango dituelarik; aldapa gogorrak, zati azkarrak, bidezidor politak, hainbat jaitsiera interesgarri eta paisaia zoragarriak. Ibilbidea mozteko aukera ere izango du birritan, horrela ibilbide luzeak 35km eta goranzko 1.500 metro pilatuko ditu. Ibilbidea guztiz markatua eta seinalizatuta egongo da, partaide bakoitzak bere erritmora osatzeko aukera izan dezan.

Probari goizeko 9etan emango zaio hasiera Bergarako Labegaraieta kiroldegian. Amaitzean, parte hartzaileek mangerak eta dutxak erabiltzeko aukera izango dute, baita lunch-az gozatzeko ere.

Aurten, 'atrofia muscular espinal'-a duen Leire Martin Pineda bergararrarekin bat egiteko asmoarekin, martxan parte hartuko duen biker bakoitzeko euro bat emango zaio gaixotasun honen aurka borrokatzen duen fundAME erakundeari. Informazio gehiago: www.webdiseinu.es/palmerakuak/.