Diario Vasco

'Garden' ikuskizunerako sarrerak salgai

Alos Quartet soka laukote tolosarra.
Alos Quartet soka laukote tolosarra. / ALOS QUARTET
  • Kilometroak 2016k hil honetarako antolatu duen Kultura Hamabostaldiko ekitaldirik nabarmenena da

Salgai daude 'Garden' ikuskizunerako sarrerak. Kilometroak 2016k irailerako antolatu duen Kultura Hamabostaldiko ekitaldirik nabarmenena da.

'Alos Quartet' soka laukote tolosarraren azken diskoaren izenburua da 'Garden', baina hori baino askoz ere gehiago da irailaren 24an Bergarara helduko den ikuskizuna. Izan ere, musikaz gain, beste osagai batzuk ere izango ditu eta puntako talde eta bakarlariak batuko ditu agertokian: Eñaut Elorrieta 'Ken Zazpi' taldeko konpositore eta abeslaria; 'Oreka TX' txalaparta taldea eta Edu Muruamendiaratzen 'Aukeran' dantza konpainia.

Kartela, 15 euroren truke, Bergarako Udal Pilotalekuan, irailaren 24an, larunbata, 22:30etik hasita. Sarrerak salgai daude, dagoeneko, pikupe webgunean edo Pikupe Produkzioak-ek Bergaran daukan egoitzan.

'Alos Quartet' taldeak hainbat kolaborazio egin ditu, askotariko artistekin. 'Garden' ikuskizuna, Bergarara ekarriko duten formatuan, Bilbon estreinatu zuten apirilean eta abuztuaren 13an Ezpeletan eskaini dute. Honenbestez, Bergaran egingo dute hirugarren geldialdia. Hortaz, aukera bakarrenetakoa izango da punta-puntako ikuskizunarekin gozatzeko.

Temas