Ttakun Txalaparta Taldeak programazio bereziarekin ospatuko du 25. urteurrena

ARRASATE.

Arrasateko Ttakun Txalaparta Taldeak 25 urte bete-tzen ditu aurten eta programazio bereziarekin ospatuko ditu zilarrezko ezteiak. Lehen ospakizuna gaur izango da Zabolain Sagardotegian izango den Txotxpartarekin. Bertan afaria izango da alboka, pandero, bertso eta txalapartaz girotuta. 50dik gora pertsonek eman dute izena bertara joateko. Sagardotegira joateko autobusa hartu aurretik, poteo animatua abiatuko da Jaizale tabernatik 19.00etan.

25 urteotan zehar txalaparta ikastarotan 300 pertsona inguru pasatu dira. Arrasateko txalapartariek Euskal Herritik kanpo ere jo izan dute, besteak beste, Errioxan, Huescan, Leonen, Burgosen...

Bitxikeria bezala gogoratu behar da Arbolapetako indigaztainondo zaharraren egurrarekin txalaparta bat egin zutela Ttakuneko kideek. Zuhaitz hura 2014an bota zen.

Bestalde, hainbat mendi tontorretara ere igo dute txalaparta: Kurtzetxiki, Atxorrotz, Asentziomendi, Udalatx...

Bilbon ikasten zuten Kepa Altube Kopi eta Igone Kazalisek 1988. urtean erakutsi zuten lehenengoz herrian Bilboko gaztetxeko txalaparta eskoletan urte berean ikasitakoa. 1993. urtean sortu zuten Ttakun Txalaparta Taldea.

Ordutik, 25 urte igaro dira eta kontaezinak dira bertatik pasa diren ikasle, eskainitako saioak, izandako lokalak, emandako ikastaroak, beste musikariekin (alboka, gaitero, pandero, perkusio, trikitilari eta gainontzeko taldeak) hartu-emanak eta modu batera edo bestera gure ondoan izan ditugunak.

Taldearen asmoa da 25 urte hauetan egindakoa herritarrekin ospa-tzea eta beste hainbeste urtez jarrai dezagun indarrak hartzea.

Horretarako, '25 urtez Arrasaten egurra emuten!' lemapean erakusketak, hitzaldiak, mahai-inguruak, muralak, irteera ezberdinak eta Uztailak 7an Arrasaten bertan egingo den txalaparta festa eskaini nahi diegu herritarrei. Aukera paregabea txalapartaren soinura hurbiltzeko eta honen ingurukoekin gozatu dezaten.

Contenido Patrocinado

Fotos

Vídeos