Eskola agenda zazpigarren urtez argitaratu du Udalak

Azala. Agenda berria.
Azala. Agenda berria.

ARRASATE.

Eskoletan kultur ondarea trasmititzeko eta eskolako tresna bezala lantzeko helburuz, Udaleko Hezkuntza sailak 2017-2018 ikasturteko eskola agenda argitaratu du zazpigarren urtez. Ekimen hau Txatxilipurdi eta AEDrekin elkarlanean zein ikastetxeetako laguntzarekin burutu du udalak.

Eskola agenda batean ohikoak diren edukiak ditu, alegia eskolako ordutegia, ikasle, irakasle eta gurasoen arteko komunikaziorako tarteak, eta egunerokoa, asteka eta hilabeteka ikasleek beren jarduna landu eta planifikatzeko.

Agenda honek, ikasleengana ezezik, gurasoengana helaraztea helburu du.

Hizkuntzari dagokionez, bertako euskalkia ezagutarazi eta erabiltzera bultzatzeko Arrasateko euskalkiaren hainbat berba eta aditz jarri dira. Adibidez hamar hilabeteren esparruan, egunak eta hilabeteen izenak bertako euskalkian agertzen dira.

Agenda honen helburua kulturaren eta hizkuntzaren transmisioa sustatzea da egunero erabilia izango den baliabide baten bidez.

Jose Letona

Agendaren edukian Arrasateko hamar auzoetako gaur eta antzinako iturriak -Jose Letonak 1980. urtean jasoak- kokatu eta ezagutzera ematen ditu. Halaber, auzoetako historia pasarteak irakurgai izango dute irakaslek, ikasleek eta batez ere gurasoek. Horrez gain, ume jokoak, kantak eta hainbat nazioarteko egun, umeekiko egun eta herriko jaien egunak ere jaso dira.

Datorren urtean 100 urte betetzen dira trena Arrasatera etorri zela eta 50 urte kendu zutela betetzen dela-eta, agendaren barruan, tren horren historia, argazkiak eta Debagoieneko bide gorri zein berdeen inguruko informazioa jarri dute Qr moduan.

Fotos

Vídeos