Defentsa ikastaroa emakumeentzat ArraSasoi egistasmoan apirilaren 21ean

A.Z. ARRASATE.

Apirilaren 21ean ABAEeren (Arrasate Borroka Arte Eskolaren) eskutik emakumeek teknika desberdinak ikasteko aukera edukiko dute jasan dezaketen erasoei aurre egin ahal izateko. Kurtsoa goizeko 11etatik aurrera egingo da, Antoñako Tatami Gelan eta doakoa izango da. Izena eman nahi duenak kiroldegira deitzearekin nahikoa izango du.

Euren kirola bistaratzeko asmoz 'Emakumeentzako autodefentsa ikastaroa' hilero antola-tzea erabaki zuten ABAEko kideek, nahi duenak izena eman dezakeelarik. Arrasateko Udaleko Kirol Sailak oso ideia ona dela irudituta, ABAErekin elkarlanean jarri nahi izan du, apirileko kurtsoa bere 'ArraSasoi: hamabi hile, hamaika gai' programaren barruan txertatzeko eta bide batez ahalik eta zabalkunde handiena egin ahal izateko.

12 urtetik gorakoentzat

Hori horrela, apirilaren 21ean emakumeentzako autodefentsa ikastaro berri bat egingo da Antoñako Tatami Gelan goizeko 11etan hasi eta 13.00ak bitartean, 12 urtetik gorako neska eta emakumeentzat. Kurtsoa doakoa da eta bertan parte hartu nahi duen orok egin behar duen bakarra, apirilaren 20a baino lehen Musakolako Kiroldegian izena ematea da.

Kurtsoa ABAEko lagunek emango dute; maisu titulatuak eta esperientzia handikoak. Kasu errealetan oinarritutako egoerak erabiliko dira eta beraien moldaketek emakumeek tratu txarrak saihesteko erabili ditzaketen teknikak ikasteko balioko dute. Gure gizartean dagoen gaitz handienetako bati aurre egiteko kurtsoarekin dator beraz oraingoan 'ArraSasoi'. Ohar modura: arropa erosoa eramatea gomendagarria da.

Contenido Patrocinado

Fotos

Vídeos