Diario Vasco

Memoriaren Plazan faltan dagoena aipatu du Sortuk

Sortuk Memoriaren Plaza babestu du arrasatearrak parte hartzera animatuz «bertan ikusi edo entzun dezaketenagatik, baina baita egin dezaketen ekarpenagatik ere». Ezker abertzaleko alderdi honen aburuz, memoriaren ariketa honetan falta diren errealitate edota testigantzak ezinbestekoak dira, eta «herriak eta herritarrek bermatuko dute errealitatetik gertuago egongo den memoria osoago bat osatzea».

Memoriaren Plazan faltan bota dituzten gatazkaren aurpegi eta ahotsak, hasteko, Arrasaten bizia galdu zuten 5 herritarren senide eta lagunenak dira. «Ofizialki gogoratu eta aitortuak izan ez diren» hildakoak alegia. «Istripuz hil edota ikertuak izan ez diren pertsona edota taldeek erailak» izan ziren arrasatear hauek.

Bestetik, torturatuak ere gogora ekarri nahi izan ditu Sortuk. Memoriaren Plazan herenegun parte hartu zuen Paco Etxeberria auzi mediku eta antropologo aski ezagunak zuzendutako 'Tortura 1960-2013' txostenean esate baterako, 4.009 tortura kasu identifikatu dira Euskal Herrian. «Guztiak indar polizial ezberdinek (Guardia Zibila, Polizia Nazionala, Ertzaintza... ) urratutako giza eskubide kasuak» direla gaineratu dute ezker abertzaleko alderdi honetatik.

Hirugarrenik, presoen sakabanaketaren errealitatea aipatzen du Sortuk. «Euskal gatazkaren alde gordinena pairatzen duten gizon-emakume ugari, sufrimendua beste era batera jasaten duten euskal herritarrak». Astero-astero errepidean ehunka kilometro egin behar izaten dituzten senide eta lagunak dira «horrek dakartzan arrisku eta ondorioekin». Sakabanaketa politikak Euskal Herrian dagoeneko «16 seinide erail ditu» Sorturen arabera.

Recibe nuestras newsletters en tu email

Apúntate