Diario Vasco

Mugi eta Lurraldebus txartelekin ere kiroldegira sartzeko aukera egongo da

  • Txartelak nominalak izan behar dute eta kiroldegian aktibatzeko eskatu beharra dago

Udal Kirol Zerbitzuak kiroldegiko erabiltzaileei ahalik eta modu errazenean jarri nahi die bertara sartzeko modua. Bide horretan lanean, 2015ean, sistema berri bat jarri zen martxan: hartz-markarena hain zuzen ere.

Gaur egun kiroldegiak 5.100 abonatutik gora ditu eta horietatik ia 3.000k erabiltzen dute hatz-markaren sistema kirola egitera sartzeko. Gainontzeko abonatuek banda magnetiko txartela deritzona erabiltzen jarraitzen dute eta hauei gauzak errazteko asmoz beste pausu bat eman nahi izan du Udal Kirol Zerbitzuak: garraio publikorako erabiltzen diren txartelak balioztatu ahal izatea kiroldegian sartzeko.

Zerbitzu hobeago eta erosoago bat ezartzeko asmoz, banda magnetiko txartelak erretiratzen hasiko da gutxika-gutxika eta hauek proximitate edo hurbiltasun txartelengatik aldatzen joango da. Horretarako lehen pausua Mugi eta Lurralde-Bus txartelak balioztatzea izango da, modu honetara kiroldegira sartzeko beste txartelik erabili behar ez izateko.

Erabiltzen hasteko

Txartel hauek erabiltzen hasteko bi baldintza bete beharko dira: Batetik, txartel hauek nominalak izatea, hau da, erabiltzailea identifikatzen duen txartela izatea eta ez karga sistemako txartela. Eta bigarrenik, kiroldegian, hemendik aurrera txartel hori erabili nahi duzula adieraztea bertan aktibatu ahal izateko.

Recibe nuestras newsletters en tu email

Apúntate