Diario Vasco

Kalabazaren pisua asmatzeko jokua Maritxu Kajoi egunean

  • Zahar-Berriren aldeko zozketa honek produktu ekologiko otarra batekin sarituko du pisuan gehien hurbiltzen dena

Zahar-Berri egitasmoaren aldeko zozketa bitxia jarriko dute abian aurten ere Maritxu Kajoi egunean. 'Ez emun kalabazarik euskeriari' leloarekin, AED, AEK eta Udal Euskaltegiak babestuta, kalabaza handi bat ibiliko dute kalerik-kale karro baten gainean. Jokoaren xedea kalabazaren pisua asmatzea da.

Kalez-kale eta tabernaz-taberna ibiliko dute kalabaza eta jokoan parte hartu nahi duen orok euro bat ordainduko du bere postura egiteko. Gehien hurbiltzen denak, pisua gainditu barik, bertako produktu ekologikoen saski ederra irabaziko du.

Mintzapraktika egitasmoa

Zahar-Berri Arrasaten burutzen den mintzapraktika egitasmoa da. Bertan biltzen direnek «euskara erabiltzeko bideari ekin diote eta proiektuak aurrera egiteko lagun-tzia behar dute; kalean euskaraz zu ikustea eta entzutea, alde batetik, eta laguntza ekonomiko txikitxo bat, bestetik» Oskar Elizburu AEDko zuzendariaren hitzetan.

Aurten ere herri eta eskualde askok zabalduko dizkiote ateak mintzapraktikan aritzeko aukerari, tokian tokiko euskaltzaleen elkarteekin eskuz-esku. Haietarik 23 herri eta eskualdek hartuko dute parte ikasturte hasierako kanpainan. Astean ordu betez biltzen diren bospasei laguneko taldeak izaten dira mintzalagunak: batzuk beren hizkuntza gaitasuna hobetzen dute, hizketarako lotsa galtzen dute eta konturatzerako euskaraz aritzen dira berbetan.

Besteek, berriz, inguruko euskaltzaleei euskaraz bizitzen lagunduz euskarari ekarpena egiten diote. «Astean ordubetek askorako ematen» duela diote Mintzapraktika egitasmoaren antolatzaileek.

«Jende asko ordubetez euskaraz aritzeko elkartzeak euskal hiztunak ugaritzen ditu, harreman berriak sortzen ditu eta hizkun-tza bat bidelagunekin batera ikasten bada, orduan indartzen da haren erabilera» adierazi dute.

Informazioa herriko euskara elkartean, euskaltegian, udalean edo mintzalaguna.eus gunean.

Recibe nuestras newsletters en tu email

Apúntate