Diario Vasco

Berrogei urtez txikiteroen zaindari

Dotorezia. Txikitero koadrila bat eguerdiko erronda egiten.
Dotorezia. Txikitero koadrila bat eguerdiko erronda egiten. / OLIDEN
  • Maritxu Kajoi egunerako 'eskapulaixuak', kartela eta egitaraua kalean dira jada

  • Ostiralean 'nobenaixoa' ospatuko da Maritxupean 18:30ean Trikitixa Eskola omenduz eta primerako gazta eta ardoarekin

Maritxu Kajoik lau hamarkada beteko ditu aurten herriko txikiteroen zaindari moduan. Komisiotik iragarri bezala, «40 urte beteta, biziberrituta dator Maritxu, gaztetasuna eta lagun artean ondo pasetako gogoak ez direlako adinean eroaten, jarreran baizik».

Bi aste ere ez dira falta «urteko egun dotoreenaz gozatzeko». Ohi bezala txikiteroen zaindariaren eguna urriko lehen ostiralean izango da, hau da, hilak 7an, inoiz baino beranduago baina lehen aldiz jai egunean egokituz. Lan-egutegi kontuak medio, urriko lehenengo ostirala jai izendatu dute, eta ikusteko dago txiripa horrek jendetza gehiago erakarriko duen edo arrasatear zenbai- tzuk 'zubia' herritik kanpo ematea erabakiko duen.

Kartela eta 'eskapulaixuak'

«Dotorezia, umorea eta aldarrikapena uztartuko» ditu aurten Maritxu Kajoi Komisioak, eta dagoeneko prest daukate dena.

Paula Delgado da kartelaren egilea, 'eskapulaixuen' irudia eta Maritxu Kajoi egunean zehar egongo diren ekitaldien berri jasotzen duen egitaraua.

Araba, Bizkaia eta Gipuzkoan jai eguna izango dela aprobetxauta, goizeko jai giroa indartzen saiatu dira Komisio antolatzaileko kideeak, eta iragarri dutenez «ohi baino ekintza gehiago egongo dira erdiguneko kaleetan. 40. urteurrenari keinu egiteko, gainera, ertzak zorroztu dizkiogu aurten Maritxuri, eta 'eskapulaixo' karratuak eroango dittugu soinean, hasierako urteak gogoan». Salgai daude dagoeneko 'eskapularixoak'.

Maritxu Kajoi Komisiotik gogoratu dute ostiral hontan, irailaren 30ean, 'nobenaixua' izango dutela 18:30etik aurrera ohi bezala Maritxupean gazta eta ardoa doan banatuz.

Aurten, Arrasateko Trikitixa Eskola omenduko dute, 25 urte bete- tzen dituela eta. «Herrian egin duen eta egiten duen lan denagatik», jasoko du enbutu preziatua.

Ikasleek trikiti eta panderoak astinduko dituzte Maritxupean, eta, urteroko legez, «primerako ardaue eta gaztaie probetako aukeria egongo da».

Sare sozialetan

Kaleez gain, Maritxuk presentzia gero eta nabarmenagoa du unibertso digitalean. Komisioaren webgunea egokitu, argazkiz zein edukiz hornitu eta berritu dute '.eus' domeinuakin.

Hauxe da helbidea: www.maritxukajoi.eus. Twitter eta Facebooken ere Maritxu jarraitzeko aukera dago gura izanez gero. «Hemendik aurrera jarioa ia egunerokoa izaten ahaleginduko» direla adierazi dute Komisiñotik. Aurten hashtag hauek erabiltzea adostu dute Arrasateko Txosna Batzordearekin batera: #MKJ16 eta #Maritxuk40urte.