Diario Vasco

Frankistak Arrasaten sartu zireneko 80. urteurrena oroituz

EH Bilduk astelehenean lore eskaintza egingo du bertan.
EH Bilduk astelehenean lore eskaintza egingo du bertan. / OLIDEN

Indar militar frankistak Arrasatera sartu zirela 80 urte betetzen diren honetan, datorren astelehenean, irailak 26an, arratsaldeko 7etan lore eskeintza bat egingo du EH Bilduk Laubide plazako monolitoen aurrean «errepresioa jasan zuten debagoiendar guztiei».

Golpe militar-faxistaren ondorioak «ikaragarriak» izan ziren Debagoienean. EH Bildutik gogoratu zuten «pertsona zibilak, emakumeak, abadeak gudari eta milizianoak fusilatuak izan ziren eta askok oraindik desagertuta jarraitzen duten arren, lan instituzional oso gutxi egin da gertatutako guztia argitzeko», salatu zuten.

EH Bilduren esanetan 1978ko «sasidemokrazian», Francoren oinordekoek agintzen dute. «Eta sinistu ez genuenok erradikal eta antidemokratiko moduan tratatu gaituzte urteotan, adierazpen askatasuna murriztu, ilegal deklaratu, gartzelaratu, torturatu...» gaineratuz.