Erorikoak prebenitzeko tailerra Musakolan, urriaren 4ean

Arrasateko Udal Kirol Zerbitzuak Osakidetzarekin elkarlanean 65 urtetik gorakoen-tzako tailerra prestatu du datorren urriaren 4rako, erorikoak prebeni-tzeko tailerrak hain zuzen ere. Ge-hienez 30 pertsonek parte hartu ahal izango dute eta izen ematea zabalik dago jada. Saioa Musakolako kiroldegian izango da eta bi parte izango ditu: teorikoa eta praktikoa eta arratsaldeko 16:00etan hasita, 2 orduko iraupena edukiko du gutxi gora-behera. Hortaz, aurkezpena egin eta gero, zahartze-prozesua, osasun-azterketak eta erorikoek berekin dituzten arriskuak izango dute mintzagai, baita elikagaien, oinetakoen eta arroparen garrantzia eta etxe barruko ingurune-arriskuak ere. 16:30ean gutxi gorabehera jarduera fisikoaz arituko dira: osasunerako onurak, udal-eskaintza, jarrera-higienea: oreka eta malgutasuna eta udaleko kirol zerbitzua. Ondoren, ortopediaz hitz egingo dute: euskarriak (makilak eta makuluak), nola erori eta erori ondoren nola jaiki ikastea.