Diario Vasco

Aingeru Castrok eta Alaitz Urkiolak Goierriko rallysprinta irabazi dute

Aingeru Castro eta Alaitz Urkiolaren BMW M3a, bihurgune batean.
Aingeru Castro eta Alaitz Urkiolaren BMW M3a, bihurgune batean. / MRFOTO.ES
  • Hiru zatietako bigarrenean lortu zuten denborarik onena eta liderrei jarritako zigorrak lagundu zien bukaeran

Aingeru Castrok eta Alaitz Urkiola antzuolarrak rallysprint denboraldiko lehen garaipenna lortu zuten igandean Lazkaon. Goierri izenekoan nagusitu ziren euren BMW M3arekin. Segundo bateko aldea atera zieten Gabiriako rallysprinta irabazi berri zuten Enrique Barrenetxea-Arando eta Anartz Onandiari (Mitsubishi EVO).

Bazirudien hauentzat zela garaipena, baina neurtutako hiru zatietako azkenean arau-hauste bat egin zuten bigarren chicanean. Hamar segundoko zigorra ezarri zieten, lehen postua galduz. Castrok eta Urkiolak, berriz, zuzen bete zuten ibilbidea, sailkapen nagusiko lehen postua eskuratuz.

Aurreneko zati neurtuan sei segundo atzetik zen Aingeru Castro eta Alaitz Urkiolaren BMWa. Bigarrenean erreakzio polita izan zuten, ordea, eta 1.9ra hurbildu ziren. Azkenengoan borroka estua espero zen. Barrenetxea-Arando eta Onandia izan ziren azkarrenak. Baina epaileek zeresana zuten. Chicanean ez ziren behar den lekutik igaro eta hamar segundoko zigorra jaso zuten. Sailkapenean bederatziko aldea baino ez zuten eta bakarragatik ihes egin zien aurreneko postuak.

Castrok eta Urkiolak, baita, 5 klaseko garaile bukatu eta Euskadiko txapelketako sailkapen nagusian gora egin dute.

Recibe nuestras newsletters en tu email

Apúntate