Diario Vasco

Iñigo Aranburu izango da antzuolar bakarra aurtengo Uzarragako igoeran

Iñigo Aranburu txirrindularia, Uzarragako eliza atzean ageri dela.
Iñigo Aranburu txirrindularia, Uzarragako eliza atzean ageri dela. / GAIZKA
  • Junior mailako txirrindulari proba apirilaren 1ean, zapatua, arratsaldeko lauretatik aurrera jokatuko da

Uzarragako txirrindulari igoeran antzuolar bakarrak, Iñigo Aranburuk, parte hartuko du aurten. Apirilaren 1ean, zapatua, jokatuko da arratsaldeko lauretan hasita. Seiak aldera amaituko da beste behin junior mailako tropela bilduko duen proba.

Aurreko domekan Azpeitian ekin zion denboraldiari Aranburuk, ordura arte geldi egon ondoren. Portabicis.com taldeko kidea da 2017 honetan. Aurreko saioetara agertu gabe zen eta nabaritu zuen. Ez zuen ibilbide osoa betetzerik lortu.

Pixkanaka sasoia hobetuz joango da. Kontuan hartu behar da, baita, Aranburuk lehen denboraldia duela hau junior mailan, iaz kadete bezala aritu ondoren. Kilometro eta denbora gehiagoko lehiaketak dira oraingoak.

Aurreko urteetako ibilbide berari eutsiko dio Uzarragako igoerak. Guztira 81 kilometro ditu: Antzuola, Bergara, San Prudentzio, Bergara, Antzuola (bi itzuli zirkuitu honi), Bergara, San Prudentzio, Zubillaga, Oñati, Zubillaga, San Prudentzio, Bergara, Antzuola eta Uzarragako gaina. Aldapa gogor bakarra helmugakoa bada ere, Bergaratik Antzuolara hiru aldiz igotzeak mintzen ditu karreristen hankak.

Ikusteko dago zenbat laguneko tropela bilduko duen 52. edizio honek. Azpeitian joan den domekan 163 txirrindulari bildu ziren irteeran. Aurretik jokatutako saioetan tropel txikiagoak izan zituzten, Eibarren zein Deban. Gora egin du kopuruak, baina zerikusi handia izango du ondoko lurraldeetan, batez ere Bizkaian eta Nafarroan, asteburu horretan beste karrerarik joka-tzeak ala ez jokatzeak.

Recibe nuestras newsletters en tu email

Apúntate