Diario Vasco

Igande honetan egingo da Kilometroak Txikia

Aurkezpena egin zuten eguneko argazkia.
Aurkezpena egin zuten eguneko argazkia. / KILOMETROAK2017
  • Haur eta gazteak protagonista direla, irailaren 24rako prestatzen ari diren zirkuitua probatuko da, eta bereziki aztertuko da irisgarritasuna

Ume eta gazteak protagonista otsailaren 12ko Kilometroak Txikian

Oñatiko Txantxiku Ikastolak antolatuta irailaren 24an egingo den Kilometroak 2017ko lantaldea ari da egun handira begirako zirkuitua lantzen eta horrek isla, otsailaren 12an egingo den Kilometroak Txikia. Izenak berak dioen moduan, egun horretan ume eta gaztetxoak izango dira protagonista.

Hasierako ekitaldia 11:00etan egingo da ikastolako patioan, eta 11:15etik 12:30era ibiliko dira zirkuituan. Ikastolan hasita, Bidebarrietatik Santa Lutziarako bidea egingo da, handik San Martinera eta Kale Barrian behera, herriko plazara. 12:30etik 14:00etara plazan umeendako jolasak egingo dira.

Dantzari, erraldoi eta txorimaloak arduratuko dira ibilbidean zehar jai giroa ipintzeaz. Eguna girotzeko, Txantxiku Ikastolak Lekaixoka! zapiak janztera animatu gura ditu parte-hartzaileak. Hilaren 6az geroztik izan dira salgai, baina igandean ere izango da erosteko aukera.

Eguna girotzeko, Txantxiku Ikastolak Lekaixoka! zapiak janztera animatu gura ditu parte-hartzaileak. Horretarako, otsailaren 6ean, 8an eta 10ean, ikastolako patioan salgai ipiniko dira zapiak, 16:30ean. Otsailaren 12an bertan ere egongo da erosteko aukera.

Egun horretan irailaren 24ko zirkuituaren esperimentazioa egingo denez, TRAUTI elkartekoak –mugikortasun zailtasunak dituzten pertsonez osatutako taldea– gonbidatu dira, zatiaren gaineko euren ikuspuntua eman dezaten. Antolatzaileen hitzetan, «guztiontzat erosoa, irisgarria eta atsegina den ibilbidea prestatu nahi dugu eta hori kontutan izanik, otsailaren 1 2an jasotako iritzi eta sentsazioak oso lagungarriak izango zaizkigu azken erabaki bat hartzeko».

Temas

Recibe nuestras newsletters en tu email

Apúntate