Diario Vasco

Antiguako errotako urmaelak zazpi egun daramatza erabat izoztuta

Antiguako ur putzua erabat izoztuta eta etxetxo ondoan zisne bat eta ahateak.
Antiguako ur putzua erabat izoztuta eta etxetxo ondoan zisne bat eta ahateak. / ALBERDI
  • Oso tenperatura baxuen ondorioz, Urteberri-eguneko goizaldetik ez da desegin

Zazpi egun oso-osorik daramatza izoztuta Antiguako errotako ur putzuak. Urteberri-eguneko goizaldean gogortu zenetik ez da urtu. Oso tenperatura baxuak izan dira ordutik. Behin baino gehiagotan jausi dira zero azpitik gauez eta eguzkiak, berriz, ez du goxa-tzeko adina berotu egunez. Atzo eguerdiko hamabietan, hain zuzen, bi gradutan zen termometroa. Hotz.

Hamabost urte dira aurten Ibarrondo osteko ur-jauzi txikia izoztu zela. Oraingoan ez da hainbesteraino heldu. Ura ez da geratu pare hartan.

Baina aipagarria da astebete osoan tenperaturak hori baino gehiago ez igo eta errotako urmaeleko izotza ez biguntzea. Badira urte batzuk horrelakorik ikusi barik ginela.

Zisnea akabatu egin da

Antiguako urmaelean, baita, akabatuta agertu zen atzo bertako bi zisne edo beltxargetako bat. Abenduaren 27an Goizperren izandako taladrina ihesaren ondoren lumak horiztuta zeuzkan. Jan ere ez dute lehen bezala egin zisneok azken hamar egunotan eta pisua galduz joan dira. Hotz handiak ere ez zien mesederik egingo, ziur aski.

2015eko maiatzean ekarri zituzten zisne berriak azkeneko aldiz Antiguako errotako ur putzura, Sevillatik hain zuzen. Ahateak ere badira bertan.

Recibe nuestras newsletters en tu email

Apúntate