Diario Vasco

Hainbat ekintza Euskararen Nazioarteko egunean

Gazte mintzodromoak euskararen egunean.
Gazte mintzodromoak euskararen egunean.

Euskararen Nazioarteko eguna dela eta, Eskoriatzako eskoletako haurrak elkartuko dira bihar 10:00etan abesteko. Eskoriatzako plazan karpa bat jarriko da eta egunean zehar ekintza desberdinak egiteko balioko du.

Luis Ezeizako eskolan ikasle, guraso eta irakasleak baserritarraz jan-tzita elkartuko dira patioan, bihar 14:30ean azaroan zehar entsaiatutako dantzak aurkezteko. Ondoren Koldotxoko guraso elkarteko gurasoak gaztainak banatuko dituzte.

Ekintza gehienak larunbatean izango dira eta hau da egingo den programa: 11:30ean ginkara plazan;

13:15ean Euskaldun Berria plazaren inaugurazioa (Mirentxu atzekaldeko plazatxoa; 14:30ean herri bazkaria, ostean Imanol eta Unaikin dantzaldia; 17:00etan karaokea Zaldibar antzokian; 18:00etan 'Hi selfie' gaztelekuan; 18:30ean 'Freshcool' dantza ikuskizuna, Tio Teronen semeak, ondoren dantza jauziak eta 22:30ean kontzertuak, Akerbeltz eta Jasan.

Gazte mintzodromoak

Bihar euskaraz hitz egin eta dibertitzeko Gazte Mintzodromoa egingo da Aretxabaletako Mondragon Unibertsitateko fakultatean, Aretxabaleta eta Eskoriatzako udalek antolatuta. Gazte Mintzodromoa, euskararen inguruan lagun berriak ezagutzeko ekimena.

Arizmendiko Almen guneko eta Aretxabaletako Kurtzebarri Eskolako DBH 3. eta 4. mailako 220 gazte elkartuko dira elkar ezagutu eta «mingainak euskaraz dantzatzeko». Ordubeteko bi saio antolatuko dira eta bakoitzean 100 gazte bilduko dira; lehenengoa 9:45etan hasi eta 10:45etan bukatu eta, bigarrena, 11:15etik 12:15era luzatuko da. Ikasleei lau mintzagai emango zaizkie eta horiei buruz hitz egingo dute 10 minututako lau txandatan. Gainera, tarte bat izango dute bertan hitz egindakoak sare sozialetan partekatzeko, #gaztemintzodromoa traola erabilita.

Ekimen honen helburua da gazteak euskaraz elkar ezagutu eta dibertiaraztea, ongi pasatzeko euskarazko topagune bilakatzea. Horretarako, giro paregabea piztuko duten 20 gazte dinamizatzailek parte hartuko dute (unibertsitateko ikasleak, zein Aretxabaleta eta Eskoria-tzako gazteak) eta ez dira sorpresak faltako.

Mintzagaiak, jokoak, opariak, zozketak, argazkiak... danetatik egongo da eta eguneko protagonistak gazteak direnez, beraientzat espresuki prestatutako jardunaldia da Gazte Mintzodromoa. Mingainak dantzan jartzeko eta lagun berriak ezagutzeko aukera paregabea.

Recibe nuestras newsletters en tu email

Apúntate