Igoera faserako txartela poltsikoan sartu nahi du futbol taldeak Soraluzeri irabaziz

Orain arteko bederatzi partidetatik zortzi irabazi eta bakarra galdu dute antzuolarrek, Bergarako hura. Eztalan hiru aldiz baino ez dira zelairatu eta hiruretan irten dira garaile. Hogeita zortzi gol dituzte alde eta hamaika baino ez aurka. Zenbaki horiekin ezinezkoa ematen du igoera faseak ihes egitea, oraindik atseden jardunaldia egiteko duten arren. Gainera, geratzen zaizkien hiru partidak etxean dituzte. Alderdi horretatik ere abantaila da.

Eztalan norgehiagoka bakarra da gaur. AKEko beste hiru talde kanpora doaz. Jubenilak, Oñatira Aloña Mendiri kontra egitera, arratsaldeko 16:30ean. Aurreko asteburuan Urkirekin hiruna bukatu ondoren, garaipenen bidera itzuli nahiko dute. Hauek ere lehen postuan dira sailkapenean 22 punturekin, baina alde txikiagoarekin. Bost puntura ageri dira Mondragon, Urki eta Soraluze hamazazpinarekin. Igoera fasean sartzeko azken bultzada eman beharko diote jokoari antzuolarrek.

Kadeteek goizez, 10:00etan, jokatuko dute Arrasaten eta infantilek, Lagun Onaki egingo diote bisita Azpeitiko Garmendipen ordu berean.

Bihar goizean, ordea, eskola futboleko taldeak izango dira Eztalan.

Aiherrara bidaia

Antzuolarrez eta ondo herrietako lagunez osatutako hogei bat laguneko taldea Aiherrara doa gaur autobusez hango baserri bat ikusi eta jabearen lur transmisio esperientzia ezagutzera.