Diario Vasco

Toponimoen maparen 3.000 ale argitaratu dituzte eta etxez etxe banatuko dira

Valen Moñux, Mirari Alberdi, Beñar Kortabarria eta Lierni Legorburu, atzoko aurkezpenean.
Valen Moñux, Mirari Alberdi, Beñar Kortabarria eta Lierni Legorburu, atzoko aurkezpenean. / LEZETA
  • Azken hamar urteotan herrian izandako zenbait aldaketa jaso eta izen zuzenketa batzuk egin dituzte

Antzuolan azken hamar urteotan egin diren auzo eta obra berriak, laster ikusi ahal izango ditugun zenbait azpiegitura (autobia eta trenbidea) zein izen aldaketa batzuk jaso dira atzo aurkeztu zen toponimoen mapa berrian. Beñar Kortabarria alkateak, Mirari Alberdik Eusko Jaurlaritzaren izenean eta Valen Moxux eta Lierni Legorburu udal teknikariek lan honen nondik norakoen berri eman zuten atzo. Hiru mila ale argitaratu dituzte eta laster etxez etxe banatuko dira an-tzuolar bakoitzak berea izan dezan.

Duela dozena bat urte Kristina Pavo antzuolarrak egindako toponimia lan zabal eta zehatzari esker egindakoa zen aurreko toponimia mapa. Valen Moñuxek agertu duenez, «azkenaldian eraikin asko ez da egin, baina horiek agertzen dira berrian: Torresoroa, eskolako patioa, Iruetxeta-Sallabente kalea, biribilguneak... Industria guneak ere jarri ditugu, azpiegitura berriekin batera, hau da, errepidea eta trena. Kaleen informazio zabalagoa ere badu».

Moñuxek berak zera azpimarratu du: «kartografian UTM koordenanatuak aldatu egin dira. Orain artekoan hogei metroko akatsak zeuden eta zuzendu egin ditugu».

Mirari Alberdik Eusko Jaurlari-tzak mapan zelako partaidetza izan duen azaldu du. Peperean zein era digitalean egin ahal izango dira toponimia kontsultak. Lierni Legorburuk, berriz, «gaurkotze lana» aipatu du. Beñar Kortabarria alkateak eskerrak eman dizkie «mapa honetan parte hartu duten lagunei».

Horien artean daude Antzuolako argazki taldea, Kristina Pavo, Euskaltzaindia, Eudel eta Eusko Jaurlaritzako Hizkuntza Politikarako sailburuordetza zein Ingurumen eta Lurralde Politika saila.

Recibe nuestras newsletters en tu email

Apúntate