Diario Vasco

Bergararen aurka lau neurketa dituzte Antzuola Kirol Elkarteko futbol taldeek

Neska alebinen taldeak ere Bergaran jokatuko du asteburu honetan, bihar hain zuzen.
Neska alebinen taldeak ere Bergaran jokatuko du asteburu honetan, bihar hain zuzen. / AKE
  • Lau horietatik jubenilak baino ez dira ariko Eztalan, gaur arratsaldeko lau eta erdietan hasita

Antzuola eta Bergararen arteko lau futbol derbi jokatuko dira asteburu honetan, bakarra etxean eta hiru, berriz, kanpoan, Ipintzan. Mutil jubenilek Eztalan hartuko dituzte aurkariak gaur arratsaldeko lau eta erdietan. Lider dira multzoan antzuolarrak eta zazpigarren, berriz, bergararrak.

Aurreko asteburuan atseden hartu ondoren, ligara itzuliko dira AKEko nagusiak, Bergaran bihar arratsaldeko lau eta erdietan. Sailkapenaren goiko aldean dira biak. Aurreneko lekuan Igor Larrearen mutilak euren bost partidak irabazi ondoren eta bigarren, bost puntura, Ipintzakoak.

Kadeteak ere Bergarara doaz, baina gaur. Goiz mugitu beharko dira gainera, hamarretan jarri dietelako neurketa. Bihar eguerdiko hamabiak eta laurdenetan dute hitzordua, bestalde, lehiaketan estreinatuko diren neska alebinak.

AKEko beste bi talderentzat ere hasiko da liga urriko azken asteburu honetan. Benjamin mutilak Arrasate hartzekotan dira Eztalan eta alebinak, berriz, Arrasatera joango dira bihar goizeko hamaika eta erdietarako.

Infantilek dute bidaiarik luzeena, gaur hain zuzen ere. Goizeko hamaikak laurden gutxiagotan Anaitasunari egingo diote aurre Azkoitian. Lider dira azkoitiarrak lehen bi jardunaldiak bete ondoren. Horietako batean aritu dira antzuolarrak, atseden eguna bete dutelako.

Recibe nuestras newsletters en tu email

Apúntate