Diario Vasco

Garbiketa egiteko bihar kalean autorik ez uztea eskatu dute

  • Udalak ohar bidez eman du saio berezi honen berri eta garbitzaileei lana erraztea da helburua

Kale garbiketa berezia egingo da bihar Antzuolan. Udal langileen lana osatuko da ekimen honekin. Herriaren garbitasunak hainbat kexa sortzen ditu eta horiei ere erantzutea da asmoa.

Garbitzaileek euren biharko lana hobeto bete ahal izateko, kaleko aparkalekuetatik automobilak ken-tzea eskatu du Udalak, kaleratu duen oharrean. «Garbiketa hobeto egitea» da neurriaren helburua. Tresneria egoki erabiltzeko lekua beharko dute langileek.

Zapatuan, bestalde, San Jose txukunduko da auzolanean. Boluntarioak goizeko bederatzi eta erdietan Sanjosepen bilduko dira. Azkenaldi honetan dezente zikindu ei da inguru hura. «Zenbat eta gehiago izan, errazago egingo dugu», dio Beñar Kortabarria alkateak bere deialdian.

Mobilizazio Eguna eskolan

Antzuolako EH Bilduk bat egin du eskoletako «ELAren eta STEILASen langile ordezkaritzek gaurko deitu duten Mobilizazio Egunarekin». Lomce, errebalida, Heziberri eta murrizketen aurkakoa da. Baita ere, «babes osoa» eskaini nahi diote «An-tzuolako Herri Ikastetxeko klaustroak hartutako erabakiari».

Gainera, «gaur goizeko bedera-tzietatik hamarretara Herriko plazan egingo den elkarteratzean parte hartzera gonbidatu» nahi ditu «antzuolar guztiak» EH Bilduk.

Recibe nuestras newsletters en tu email

Apúntate