Diario Vasco

Goiz osoa gatzaren bueltan

Hiru bisita gidatu egingo dira gatz museora.
Hiru bisita gidatu egingo dira gatz museora. / DV
  • Gatzaren erabilera ugariak islatuko dituzten hainbat jarduera antolatu dituzte igande honetarako Gatzaren Eguna dela eta

Gatzaren Eguna ospatuko dute igande honetan, urriak 23, Leintz Gatzagan, eta horren harira jarduera ugari antolatu dituzte gatzaren erabilera desberdinak ezagutzeko eta herriari horren lotuta dagoen produktua hobeto ezagutzeko. Jarduera goiztiarrena 10:30etan hasiko da, ordu horretan abiatuko baita plazatik familia ibilaldia, gaztainatan basora.

11:00etan bizkortzen hasiko da egitaraua. Ordu horretan egingo da hain zuzen aurreneko bisita gidatua Gatz museora (hurrengo biak 12:00etan eta 13:00etan egingo dira), eta 11:00etan hasiko dira halaber frontoian eguerdiko 14:00ak arte zabalik egongo diren gatzaren azoka eta azoka ekologikoa. Ordu horretantxe hasiko dute gatz xaboi tailerra horretarako izena eman dutenek.

Eguerdi partean, berriz, mokadutxoa. 12:00etan, gatz desberdinen dastaketa egingo da, saiheski pintxoen laguntzaz, eta 12:30ean gaztaina erreak dastatu ahal izango dira plazan. Ordu berean hasiko dira umeentzako tailerrak, gatza lehengai dutenak, eta trikitilariek ere orduantxe ekingo diote giroa alaitzeari.

Temas

Recibe nuestras newsletters en tu email

Apúntate