Alemaniako Christophorus eta Arizmendiko abesbatzek parrokian abestuko dute

Hainbat ekintzen artean, jakina, kontzertu bat eskeiniko dute San Juan parrokian, bihar igandean, arratsaldeko 20.00etan, Arizmendiko abesbatzarekin batera.

Gaztez osatutako abesbatza bada ere Christophorus-Kantorei abesbatzak maila bikaina erakutsi du bere ibilbidean azken 50 urteetan hainbat sari lortu izan dituelarik Europan zehar.

Bigarren hezkuntzako eskola batean sortu zen eta bertako ikaslez osatuta dago. Maiatza ekaina bitartean Espainiako iparraldetik bira bat emango dute eta beraien bidaian Arrasatera etortzeko gogoa erakutsi zuten ikastolako abesbatzaren zuzendaria den Rakel Murgiondoren bitartez.

Astelehenean Gaztelupe bisitatuko dute, gero egun osoko txangoa egin ostean, erdigunera bisita gidatua egingo dute (18.00) eta Santa Barbara ezagutuko dute (19.30).