Jende asko elkartu zen atzo Segurako San Sebastian ermitan egin zen jaian. Gipuzkoa osoan famatuak dira San Sebastianen omenez egiten diren festak eta Segurak ere badu urtean egun bat santuari eskainia, urtarrilaren 20ari jarraitzen dion igandean, hain zuzen. Ermita bera ere antzinakoa da, 1589an eraiki bai-tzen, eta jende askoren lanari esker mantendu da zutik urte guzti hauetan bai ermita baita bertan egiten den jaia ere. Aurten bertan elizatxoa barrutik txukundu dute auzotarrek.
Atzo, santuaren omenezko egunean goizeko jaiari mezarekin eman zitzaion hasiera eta bertan, urtean zehar auzoan hildakoak gogoratu zituzten. Atzokoan eguraldiak lagundu ez bazuen ere, jendez gainezka zegoen ermita eta bertara hurbildutako zenbai-tzuk kanpotik jarraitu behar izan zuten elizkizuna. Ondoren hamaiketakoa eskaini zieten auzotarrek jai honetara bertaratu zirenei.
