Infantilen parte-hartze mailako Aitzgorri Goierri taldea txapeldunen fasea jokatzeko sailkatu da. Igandean Mutrikuren aurka jokatu zuten Alustizako berdegunean eta neurketa horretan lortutako garaipenari esker txapeldunen fasean parte hartzeko txartela lortu zuten.
Mutriku Aitzgorriren aurkari zuzena zenez derrigorrezkoa zen irabaztea eta erraz nagusitu ziren, 6-2. Hamaikako hau zelairatu zen Aitzgorri Goierri taldearen partetik: Lander, Eneko,Jon, Eñaut, Eneko, Ibai, Iñigo, Xabier, Andoni, Aritz eta Azurmendi. Bigarren zatian Julen eta Adurrek ere jokatu zuten. Xabier Suarez, Iñigo Intxausti, Andoni Elorza, Aritz Murua eta Julen Orrigain izan ziren golegileak.
Txapeldunen fasea 16 taldek jokatuko dute, zortziko bi taldetan banatuta. Aitzgorri Goierriren taldean Lazkao, Allerru, Martutene, Mundarro, Trintxerpe, Pasajes eta Intxurre egongo dira. Talde bakoi-tzeko lehenengoek finala jokatuko dute eta irabazleak Gipuzkoa ordezkatuko du Euskadiko Eskolarteko Txapelketan.
