Maialen Lujanbio, Euskal Herriko bertsolari txapeldun berria, Arrasaten arituko da bertsoan domekan Andoni Egaña bere aurrekoarekin eta Jon Maia, Igor Elorza eta Erika Lagomarekin batera. Gai jartzailea Egoitz Aizpuru izango da
Ekitaldia Amaia antzokian egingo da arratsaldeko 8:00etan hasita eta AEDk antolatuta. Sarrerak Monte eta Irati tabernetan eta AEDko Pablo Uranga 4ko egoitzan daude salgai, 10 eureroen truke (bazkideek 8 euro).
Arrasatekoa ez da, baina, txapeldun estreinatu berriak emango duen lehenengo saioa. Asteburuko agenda Zarautzen hasiko du ostiralean. Putzuzulo gaztetxean 22:00etan jokatuko den III. kopla txapelketan parte hartuko du Luis Otamendi, Arrate Illaro, Julio Soto, Arkaitz Estiballes, Igor Elortza, Estitxu Eizagirre, Aitor Urbieta, Manex Agirre eta Andoni Egañarekin.
Larunbatean berriz Galdakaoko Torrezabal kultur etxea arituko da bertsotan da 20.30etatik aurrera Amets Arzallus, Unai Iturriaga, Aitor Mendiluze, Anjel Mari Peñagarikano eta Miren Amurizarekin.
Arrasateko bertso-jaialdia Santamas jaietako egitarauan barne dago, beste hainbar ekintzarekin batera. Adibidez, larunbat eguerdiko 12.30etan Herriko plazan aritu diren Garesko eta Artaxoako laiariak; edo ondoren Bermeoko Irrintzi taldeko kideek eskeiniko duten irrintzi saioa. Arratsaldean (17.30) haur eta gazteentzat baserriko jolas eta jokuak izango dira Biteri plazan Kulkiren eskutik. Eta 20:00etan Amaian Juan Mari Beltranen 'Ttakun, Ttan, Ttakun' ikuskizuna.
