Aitor Uriak zuzentzen duen Getariako Musika Bandak musikarien zaindaria den Xixili Donea ospatuko du bihar, horretarako goiz eresia eta kontzertua eskainiz, jada iragan larunbatean ere hau ospatzeko kalez kale izan bagenituen ere, aurre abisurik gabe.
Horrela bihar, goizeko 9:30etatik aurrera herriko txoko ezberdinetatik igaroko dira Getariako Musika Bandakoak goiz eresiarekin, ondoren eguerdiko 12:30etan, Alkate Txiki eguneko haurren mezaren ostean, kontzertua ere eskaintzeko Salbatore Deunaren elizan.
Lau piezaz osaturiko egitaraua eskainiko du Aitor Uriak zuzendutako bandak bere emanaldian: 'Musika i Poble' pasodoblea, 'Sinfonía Clásica', 'Bohemian Rhapsody' eta 'Soul Bossanova'.
Honetaz gain, Getariako Guraso Elkartetik bihar meza nagusiarekin bat ospatzen den haurren mezan ere piezaren bat joko dutela iragarri dute, eguna lanpetua izango dutelarik, eguna goizetik eguerdira arte musikaz jantziz.
