Azpeitiko 27. Euskal Antzerki Topaketak amaitzear daude. Asteburu honetan hiru antzezlan eskainiko dira eta honekin batera, datorren urtera arte agurtu beharho da antzerki taula.
Gaur helduen antzerki emanaldiekin ohi bezala, 21:30ean, Kanpingas taldearen emanaldia eskainiko da. 'Ni naiz Hector, ni bakarrik' lana izango da ikusgai, Izarraitz pilotalekuan.
Bihar, larunbata, 'Arrainontzia'lanaren txanda izango da, ordu eta leku berean. Oraingo honetan ordea, POK produkzioak-ek egindako lana Emakumeen aurkako indarkeriaren kontrako ekimenen barruan sartu da. Aste honetan bertan izan da Indarkeria matxistaren aurkako eguna eta horrekin egin nahi dute Antzerki topaketek ere. Aizpea Goenaga eta Kandido Uranga aktoreek eskainiko duten lanak genero indarkeriaren metafora bezala hartu du arrainontzia. «Kanpoan denaren beldur, irteerarik gabeko aterpean».
Igandean, berriz, familia giroko antzerkiari tartea egingo zaio. 18:00etan, 'Jolas eta Zilarrezko Txartela', lana eskainiko du Jakin eta Jolas konpainiak. Honekin emango zaie amaiera azaroaren 6tik hona egin diren Antzerki Topaketei.
XVII. edizio honetan antzezlan ugari ikusi ahal izateaz gain, herriko antzerki talde amateurrak edota ikasleak ikusi ahal izan ditugu taula gainean. Bigarren aldiz, antzerki azoka ere egin da. Honenbestez, itxi da teloia!
