DV. Indarkeria matxistaren kontrako nazioarteko eguna ospatzen dela gaur eta, Xaltxerak talde feministak zenbait ekitaldi antolatu ditu herrian. Besteak beste, gaur 20:00etan konzentrazioa egingo da herriko plazan, eta segidan afaria. Izenak emateko, Gabon tabernan. Era berean, Silvia Carrizo eta Brenis Bermudezek emakume etorkinen ahotsa gaiaren inguruan, hitzaldia eman zuten astelehenean.
Autoestimako hitzaldia
Pasa den asteazkenean, bestalde, Zaharren babeslekuak eta Kutxak antolaturik autoestimari buruzko hitzaldia izan zen Kultur Etxean. Arrakasta handia izan zuen eta guztira 72 pertsona bildu ziren kultur etxeko gela nagusian. Zaharren babelsekuko presidente den Txomin Iribarrek eskerrak eman nahi dizkie bertara hurbildu ziren denei eta hizlari izan zuten Silvia Camiori, oso hitzaldi interesgarria prestatu baitzuen. Aurrerantzean ere honelako hitzaldiak antolatzeko asmoa erakutsi dute.
Benito Lertxundi
Benito Lertxundik aurtengo Agosti Xaho saria jaso berri du Zallan. Bizkaiko herri horretan antolaturiko kantaldia baliatuko du Agosti Xaho kultur elkarteak Benito Lertxundiri saria emateko. Elkarte honek Xiberuko Zohardia kultur elkartearen lagun-tzaz bultzatzen duen sariketa honen helburu nagusia Iparraldearen eta Hegoalderen arteko harremanak sendotzea da. Iaz Txomin Peillen-ek jaso zuen saria.
