DV. Hiru urte darama-tza Anoetako udalak lan esparruan euskara sustatzen, Iruran bigarren urtea da hau. Atzo Galtzaundi Euskara Taldearekin hitzarmena berritu zuten bi herrietako lan mundua euskaldun-tzeko egitasmoarekin jarraituz.
Bederatzi enpresa dira euskalduntzeko konpromisoa hartu dutenak Anoeta eta Iruran. Galtzaundi Euskara Taldeak bakoitzarentzako plangintza prestatzeaz arduratzen da eta planaren jarraipena ere egiten du. Hi-tzarmen berriaren baitan, hamabost enpresa berri gonbidatuko ditu Galtzaundi Euskara Taldeak Udalen laguntzarekin. Marimi Ugalde Irurako alkateak nabarmendu zuenez «bi herriek enpresa asko ditugu. Herri euskaldunak diren arren enpresa mundua oso erdalduna da eta lan asko egin behar da hori aurrera eramateko».
Orain arte euskararen normalizaziorako konpromisoa hartu duten enpresek Galtzaundiren baliabide eta lanabesak dituzte beraien eskura, besteak beste, doako itzulpen zerbitzua ere beraien esku dute. Honela, Nora Olano Gurrutxaga Galtzaundi Euskara Taldeko Teknikariak adierazten duen moduan «enpresak ez daude bakarrik konpromisoak hartzerakoan, gure baliabide guztiak beraien esku geratzen dira».
Pedro Mari Peñagarikano, Anoetako Udaleko alkateak ere zentzu berean hitz egin zuen: «Udalak bere eskuan dauden ahalegin guztiak egingo ditu enpresak laguntzeko».
