DV. Musikarekin lotura duten herriko talde ezberdinak Xixili Donea ospatzen ari dira egunotan, atzo Juan Sebastian Elkano Musika Eskolako ikasle eta irakasleak kalejira eta txokolatada eskaini zutelarik arratsaldean musikarien zaindaria den Xixili Donearen omenez, aurten gainera Txeruko dantza taldeen partehar-tzearekin. Kaleak musikaz jantzi ziren atzo Getarian, arratsaldeko 17:30etatik aurrera musika eskolako haurren ahotsak, trikitixaz eta txistuz lagunduta, herriko alde zaharrean barrena kalejiran. Festari amaiera, urtero bezala, Getariako Musika Eskolak eskainitako txokolatadak jarri zion plazan, herritar ugarik bat eginez festarekin.
Herriko Abesbatzak, aldiz, igandean ospatu zuen Xixili Donea, elizan kontzertuarekin eta ondoren Astilleron bazkariarekin, Gazte Alaiak txistulari taldekoak ere kalez kale entzun ahal izan genituelarik goizean. Bandak, berriz, datorren jaian ospatuko du, goiz eresi eta kontzertuarekin.
