DV. Urtero bezala, Getariako Juan Sebastian Elkano Musika eskolak Xixili Donearen eguna ospatuko dute bihar, astelehena, arratsaldeko 17:30etatik aurrera kalejira eta txokolatada eskainiz. Ordu horretan elkartuko dira herriko plazan Musika Eskolako ikasle guztiak, trikitilari, txistulari eta aurten nobedade gisa Txeruko dantzariekin batera kalejira egiteko herriko alde zaharretik barrena.
Festari amaiera, beti bezala, txokolate beroarekin eta magdalenekin emango zaio, plazan, herritar guztiak parte hartzera gonbidatuta egonik. Bestalde, Xixili Donearen ospakizuna dela eta, bihar arratsaldean klaseak 17:15ak arte soilik izango direla jakinarazten dute Musika Eskolatik, ondoren ikasle denak kalejiran partehartzera deituta egonik.
Gaur Abesbatza elizan
Getariako Abesbatzak, aldiz, gaur ospatuko du Xixili Donearen omenezko kontzertua, emanaldia eguerdiko 12:30etan hasiko dutelarik, Salbatore Deunaren elizan, Jazinto Isastik zuzenduta, egitarau zabala eskainiz organoz ere lagunduta.
Aitor Uriak zuzendutako Musika Bandak, berriz, datorren igandean ospatuko du Xixili Donea. Egun horretan, goiz eresiarekin eta kontzertuarekin Salbatore Deunaren elizan.
