DV. Oiartzungo Udalak urteak daramatza herriko merkataritzan eta ostalaritzan euskararen presentzia eta erabilera indartzeko egitasmoak gauzatzen. Azkeneko lau urteetan, Ttur-ttur Euskaltzaleon Bilgunearekin sinatua duen hitzarmenaren bidez landu du esparru hori. Lankidetza horretan interes bereziarekin landu izan den arloetako bat hizkuntza paisaia da.
Hizkuntza paisaiak hizkuntza batek duen edo ez duen estatusaren berri emateaz gain, establezimendu bakoitzak hizkuntzarekiko edota hizkuntzekiko, eta, ondorioz, hiztunekiko duen begirunea ere erakusten du. Herri batera, eta establezimendu batera sartzen garenean, aurrena ikusten dena horixe da. Beraz, oso garrantzitsua da hizkuntza paisaia euskaraz egotea.
Dudarik gabe, horrek berak euskaldunek euskara erabiltzea erraztuko baitu.
Horregatik, merkatariei diru-laguntzak eta hizkuntza ahol-kuak ematen dizkiete establezimenduaren kanpoaldeko errotulu nagusia, jendaurreko idatziak, oharrak, dendako elementuak,. euskaraz jar ditzaten.
Hizkuntza paisaia euskalduntzen beste ahalegin bat egitearren, Oiartzungo Udalak hizkun-tza paisaiaren beste osagai bat diren poltsak euskaraz jartzeko diru-laguntzak ematen ditu iaztik. Poltsa euskaraz jartzeagatik ez ezik, poltsan Erosi euskaraz leloa eransteagatik ere ematen du diru-laguntza Udalak.
Hartara, poltsan lelo hori erantsita, merkatariak eragile zuzen bihurtuko dira bezeroak eta kontsumitzaileak euskaraz aritzera sentiberatzeko. Merkataria bera izango da bezeroari euskaraz erosteko gomendatuko diona.
