DV. Datorren igandean, urriak 25, aurtengo Ardiki Eguna izango da Zaldibian. Aldez aurretik ordea, hau da, bezperan, hilaren 24an, hitzaldia izango da herriko kultur etxean, iluntzeko 19:30ean hasita. Bertan, Luis Mari Zaldua Etxabek (Zaldibiko erroak dituen urnietarra) 'Aralar Parke Naturaleko larreak mantendu eta hobetzeko jardunbide egokiak' izenbruuko hitzaldia eskainiko du. 'Asmoz' fundazioko lehendakaria da Luis Mari Zubeldia.
XV. mondeju lehiaketa
Bestalde, Mondeju Lehiaketa egingo da igandean. Hamabosgarren aldia da aurtengoa, urterik urte gero eta arrakastatsuago. Mondeju zuria egiten dakien nornahik har dezake parte. Urriaren 23a baino lehen eman behar da izena, honako telefono honetara deituta: 943160338, 12:00etatik 19:30era. Bost kana mondeju ekarri behar dira, eta jateko prest egon behar dute. Plazan aurkeztu behar dira, hilaren 25ean, goizeko 10:00etarako, beren salda eta guzti.
Badakigu epaimahaiak zer baloratuko duen ere: itxura, estaldkia, ebaketa, zaporea, usaina eta osagaien txikitze-tamaina. Bestetik, epaimahaia osatuko dute jatetxe ospetsuetako arduradunek eta mondejuaren gainean adituak diren herritarrek.
Hiru sari nagusi izango dira: 300, 200 eta 100 euro, hurrenez hurren, lehenengo hirurentzat. Gainerakoek 20na euroko dieta jasoko dute.
